صله الرحم وما لها من ثواب عند الله عز وجل

السلام عليكم ورحمه الله وبركاته.
يارب تكونوا فى احسن الاحوال
حبيت ابدأ حديثى معاكم على المنتدى بوضوع مهم جدا مينفعش نتجاهله هوصله الرحم)
قال صلى الله عليه وسلم:
(الرحم معلقة بالعرش تقول: من وصلني وصله الله و من قطعني قطعه الله )
يااااااااه تخيلوا قيمه صله الرحم عند الله سبحانه وتعالى واضح من الحديث انها عظيمه جدا
تخيلوا ان اللى بيوصل رحمه ربنا بيبارك له فى عمره
وقال صلى الله عليه وسلم
(صلة الرحم تزيد في العمر و صدقة السر تطفئ غضب الرب )
يعنى تخيلوا صله الرحم دى ثوبها وقيمتها كبيره ازاى عند الله ورسوله(ص)*
وقال صلى الله عليه وسلم :
(ما من ذنب أجدر أن يعجل الله تعالى لصاحبه العقوبة في الدنيا مع ما يدخره له في الآخرة من البغي و قطيعة الرحم )
شوفتوا عقاب قاطع الرحم ايه عقاب فالدنيا والاخره .
طب ليه بقينا نهتم باصحابنا فالعمل وننسى نسال عن ابائنا وامهتنا واخواتنا
طب ياترى عارفين ايه هى صله الرحم..
انا سامعه حد بيقول انى اسئل على اهلى طبعا اكيد صح
بس كمان اهلى القريبين واللى بعيد عنى ...اقصد اللى بيودونى واللى مش بيودونى
هتقول طب واللى مش عاوزين ودى اللى مش بيودونى اودهم انا افرض نفسى عليهم يعنى...طبعا لاء انته كده مش بتفرض نفسك عليهم انته كده بتعمل بقول الرسول (ص)
قال (ص) فيما معناه.. ان الواصل من قعطه الناس فوصلهم هو.
يعنى اللى الناس بيبعدوا عنه ومش بيوصلوه وهو بيسئل عنهم ويودهم له عظيم الاجر عند الله.
هو احنا ليه بطلنا نسئل عن بعض وحتى عن اققرب الناس لينا .
مع ان ربنا سهل علينا الاتصال ببعض سواء بالموبايلات او بالانترنت او اى وسيله اتصال
ياريت ندور حوالينا عن أقريبنا واحباببنا اللى فزحمه الدنيا اتشغلنا عنهم.
ياريت نحث اولادنا ونشجعهم على الود والموده ونرجع جو العائله بتاع زمان
عشان ربنا يبارك لينا فى ارزقفنا.

ياريت نجمع عليتنا كل فتره ونخلى اولادنا يتعرفوا ببعض عشان يتربوا على الموده والحب من صغرهم.
اكيد كل ده هينعكس على سلوكيتنا وعلاقتنا مع بعض.
وياريت نسئل عن اقربنا حتى ولو بالتليفون.
بلاش نخلى حياتنا تشغلنا حتى عن اقرب الناس علينا.
تعالو ندور على السلوكيات البسيطه بتاعت زمان دى والله هتلاقوا فيها ثواب كبير عند ربنا.
واكيد كل ماهنقرب من بعض ونخاف على بعض وننسى المصالح اللى بقت بتحركنا على هواها اكيد لما نبتغى مرضاه الله فى تعاملاتنا اكيد ربنا هيبارك لينا فكل شيىء
واخيرا...
الى كل زوجه صالحه... وام فاضله:
شجعى زوجك واولادك وفكريهم دايما بصله ارحامهم
وسؤلهم عن اقرب الناس ليهم.
وفقنى الله واياكم لما يحبه ويرضا.