يلا نرجع بيوتنا جنه (الحلقه الرابعه)

السلام عليكم ورحمه الله تعالى وبركاته
كيف حالكم جميعا لعل الله يجعلكم باحسن الاحوال دائما
ها مستعدين تكملوا معايا موضوعنا اللى بندردش فيه سوا كل يوم
طب ممكن اسئلكم بس سؤال الاول؟؟؟
ممكن اسئل كل واحده فيكم سؤال كده بينى وبينها
(بتحبى زوجك قد ايه)!!! انا سامعه واحده بتقولى هو الدنيا وما فيها.
طيب ممكن تسمحيلى اسئلك سؤال تانى هو يمكن يكون رخم شويه
اخر مره زورتى فيها اهل زوجك كانت امته
انا سامعه واحده بتقول متفكرنيش بقا!
طب ليه مفكركيش...هى معامله مامته معاكى صعبه شويه معلش تعالى على نفسك شويه واستحملى عشان خاطر زوجك وعلى فكره لو فكرتى شويه هتلاقى ان سبب الجفاء اللى بينك وبين اهل زوجك ممكن يكون انتى
تفتكرى اخر مره عاملتى لام زوجك اللى هى فمقام امك شيىء يسعدها او يريحها كانت امته.
تفتكرى اخر مره سالتى عليها حتى ولو بالتليفون كانت امته
فاكره اخر مره دخلتى عليها بهديه كانت امته.
دا حتى الرسول صلى الله عليه وسلم قال(تهادوا تحابوا) يعنى الهدايا بتقرب الناس من بعض. تخيلى بقا لو الناس دول هما اغز الناس على زوجك هو هيبقى فرحان قد ايه
على فكره الناس الكبار مش صعب اننا نكسب رضاهم وكمان مش صعب اننا نخسره
فيها ايه لو تحاولى تقربى من ام زوجك وابوه وترعيهم وتشوفى متطلباتهم اكيد هيحبوكى حتى لو كانت معملتهم صعبه هتاخدى ضعف اجرك على استحمال المعامله دى واكيد هما هيدعولك وكمان زوجك هيحبك اكتر .انتوا عارفين ان الدعاء يرفع البلاء تخيلى بقا لو دعولك بان ربنا يصلح لك حالك او يجزيكى الله خيرا.
وعلى فكره لو اتقربتى منهم ولقيت جفاء منهم ليكى هيكون جزاءك كبير عند ربنا لانه عالم ومطلع على كل شيىء.
وياريت متنسيش ان انتى بكره هتكونى فى نفس موقف ام زوجك اما ربنا يكرم ابنك بالزوجه الصالحه .
ممكن احكى ليكوا قصه صغيره
كان هناك رجل له ولد وحيد وكان هذا الولد له اغلى من نور عينه ومرت الايام وتزوج هذا الولد وانجب طفلا وكبر هذا الطفل .
وكان الجد فى هذا الوقت لايقوى على الحركه كثيرا فكان كلما امسك بشىء وقع من على الارض وانكسر فتضايقت الزوجه من والد الزوج لكسره الاشياء وطلبت من زوجها ان ياتى باوانى من البلاستيك لوالده كى لايكسر شيئا اخر فستجاب الزوج لطلب زوجته
وفى ذات يوم لاحظ الولد الصغير انهم ياكلون فى اوانى غير التى يقدم لجده فيها الطعام
فسئل والده من اين اتيت بهذه الاوانى ياوالدى؟
فاجاب الاب ولما تسال؟
قال الولد لكى ائتى لك بمثلها حين تكبر وتصير فى عمر جدى!!!!!!
ها أرأيتم رد الولد (فافعل ماشئت كما تدين تدان)(والذنب لاينسى والديان لايموت)
واخيرا....
ياريت نحافظ على علاقتنا مع اهالى ازواجنا لانها اكيد هتنعكس علينا فتعاملتنا مع بعض
وياريت نهتم بصله الارحام قال صلى الله عليه وسلم(الرحم معلقة بالعرش تقول: من وصلني وصله الله و من قطعني قطعه الله )
اللهم اجعلنا من واصلى الرحم ولاتجعلنا ممن يقطعونه.
أمين.