يلا نخلى بيوتنا جنه(الحلقه الثالثه)

السلام عليكم ورحمه الله وبركاته
ياترى فاكرين الموضوع اللى دردشت معاكم فيه
ايه رايكم فكرتوا فكلامى؟
طيب ممكن نتكلم مع بعض النهارده بس فنفس الموضوع و بشكل اوسع شويه
تيجوا نتكلم مع بعض عن ازاى نخلى بيوتنا جزء من جنه ربنا فى ارضه
ايه رايكم يابنات وياسيدات ...تحبوا بيوتكم تكون قطعه من الجنه فالهدوء والراحه والسكينه وراحه البال...(بينى وبينكم الحب الرومنسى اللى كل الناس على الارض بيحلموا بيه)
تصدقوا ان ده مش حرام!!!!
بس امته بقا يبقى مش حرام اما يكون لزوجك مش لزميلك فالشغل او الجامعه
انتو عارفين احنا ليه مش راضيين بحالنا عشان نسينا نعمه كبييييييييره جدا وهى نعمه غض البصر عن كل شيىء فيه قبح او اسفاف بقينا بنشوف الحاجات دى عادى كأن مفيش حاجه حصلت صح...طيب وده سلوك واحده مسلمه بتخاف ربنا ومش عاوزه حاجه تغضبه منها!!!
انا عارفه ان فى ناس بتقول ايه علاقه ده بموضوع الموده والرحمه بينى وبين زوجى
عارفين فين العلاقه ان كل اللى بتسمح لنفسها انها تشوف القبح ده عمرها ما هتبقى راضيه بحالها هى شايفه ان الاسفاف والسفاله دى هو الصح
متعرفش ان فى اداب للتعامل مع الزوج
متعرفش ان فى تعاليم دين امرتنا بالاحترام والعفه
مش كتير بتلاقوا اصحابكم جايين يحكوا معاكوا عن ناس معجبين بيهم زى مابيقولوا لاء واللى يغيظك انها بتبقى مخطوبه او متجوزه مبتحصلش
اكيد بتحصل وللاسف بقت بتحصل كتير
عارفين ليه عشان هى مغضيتش بصرها.
طب تيجوا نعكس الايه ونخلى زوجها بس يفكر يقول قدمها ان فولانه حلوة او جميله ايه اللى هيحصل هتقوم حريقه...طب هو تامرون الناس بالبر وتنسون انفسكم.
مهو لكل فعل رد فعل طب غضى انتى بصرك واحفظى غيبه الراجل اللى انتى مسئوله منه سواء زوجك او خطيبك وبعدين حسبيه صح ولا ايه!
كام مره بتحصل مشاكل من النوع ده وتخرب بيوت ...للاسف كتير صح؟
ممكن اقول كلمه اخيره بس فالموضوع ده..
الى كل رجل فاضل وكل شاب محترم...غض بصرك تعف نفسك عن الفتن والى كل سيده فاضله وفتاه محترمه غضى بصرك تعفى نفسك وتسعدى بدنياكى.
وعلى فكره لو كل واحد فينا وفر حبه ومودته واهتمامه للطرف التانى هنوصل لدرجه الحب السامى اللى هى اعلى بمراتب من الحب الرومنسى اللى كلنا بنتمناه
وفقنى الله واياكم الى مايحبه ويرضاه