تيجوا نخلى بيوتنا جنه(الحلقه الاولى)

الى كل الأزواج والزوجات ....
والى كل الشباب والفتيات...
تيجوا نفكر سوا ايه اللى خلى حياتنا ممله كئيبه
تيجوا نفكر ازاى نرجع الموده والحب البرىء لبيوتنا
ليه فى اول الزواج بنبقى شيىء وبعدمرور الوقت بنتحول بنزهق من بعض مش بنبقى طيقين بعض تفتكروا ليه؟
انتو فاكرين ايه الحكمه فالزواج ! طيب ليه ربنا عز وجل قال عليه ميثاق غليظ.؟
طب ازاى نخلى بيوتنا جنه بعيده عن المشاحنات والمشاكل؟
ممكن نسال بعض سؤال .. مين السبب فضياع الموده والحب والرحمه بينا ياترى الزوج ام الزوجه؟
اسمحوا لى اقول راى ..فراى الاتنين مسؤلين عن اللى بيحصل بينهم من جفاء وبعد وبالتالى ضياع الحب والموده؟
انتو عارفين ربنا عز وجل اما حب يوصف العلاقه بين الازواج والزوجات قل ايه
قال تعالى(ومن اياتيه ان خلق لكم من انفسكم ازواجا لتسكنوا اليها وجعل بينكم موده ورحمه ان فى ذلك لايات لقوم يتفكرون)سورة الروم.
يعنى ربنا عز وجل لما حب يوصف العلاقه بين المتزوجين قال ان اساسها الموده والرحمه طب راحت فين الموده راحت فين الرحمه!
للاسف تاهوا فوسط اننيتنا وانشغلنا بنفسنا للاسف كل واحد فينا بيفكر فى نفسه وبس واللى بقا بيربطنا ببعض شويه مصالح .نسينا فوسطها الحب والموده
تيجوا نبتدى من الاول
تيجوا نخلى بيوتنا جنه ...الموضوع سهل جدا مش هيحتاج الا شويه اهتمام صغيرين مننا لبعض .اسمحوا لى اوجه كلامى اللى جاى للزوجات لان الزوجه هى اساس البيت وهى اللى ممكن تخلى البيت جنه او جحيم لاقدر الله
تيجوا نعمل شويه حاجات بسيطه مش هتاخد منك وقت ولا مجهود واعتبريها جزء من مهماتك اليوميه..
1.ياريت تكونى كاتمه اسرار زوجك يعنى بلاش نفشى الاسرار دى حتى لاقرب الناس لينا
2.خليكى دايما فاكره ان ابتسامتك لزوجك صدقه مبالك لو كان راضى عنك
وان الله والملائكه تلعن المراه التى يغضب عليها زوجها.
3.اذا غاب عنك زوجك اسئلى عنه مش عيب ولا حرام دا زوجك لانه اما يحس باهتمامك بيه هيهتم بيكى بلا شك.
4.اهتمى بعلاقاتك مع اهله وخصوصا والديه لان حبهم ليكى هينعكس على علاقتكم معا.
5.خلى زوجك دايما هو صاحب المقام الاول فحياتك والرسول صلى الله عليه وسلم كان يحث بناته على طاعه ازواجهن ورعايتهم ومعاملتهم بالمعروف.
6.لاتتيحى الفرصه للشيطان ان يتدخل فى اموركم فان الشيطان يفرح عندما يفرق بين المرء وزوجه.وان عرش الرحمن يهتز غضبا لذلك .فاذا احتد بينكم النقاش فالصمت هو اسلم الحلول.
7.دايما هونى عليه المشاكل وحاولى تسعديه فحلها .
8.الرضا بما قسمه الله لنا هو اعظم الصفات ولا تنظرى لما هو فى يد غيرك حتى تكونى سعيده ولا ترهقى زوجك بما لايطيق.
9.لايكون الاهتمام بالاولاد سببا فى تقصيرك نحو زوجك فهو الذى تستمدى منه قوتك وهو اساس الامان.
10.واخيرا...تذكرى ان الله ورسوله الزم الزوجه باءستئذان زوجها عند عمل بعض العبادات
قال رسول الله صلى الله عليه وسلم(لا يحل للمرأة أن تصوم وزوجها شاهد إلا بإذنه، ولا تأذن في بيته إلا بإذنه) اى لاتصوم نافله الا باذن الزوج ولا تدخل احد يكره الى بيته الا بعد استئذانه.فالزوج له عليكى الحق حتى فى تعملاتك مع الله.فطاعه الزوج والاعتناء به واجبه بامر من الله ورسوله.

وايضا للزوجه حقوق على زوجها ولكن ...ماذا تريد منك زوجتك كى تملكها1!

اذا سئلت اى امراءه ماذا تريدين من صفات فى زوجك فسوف يجمعان على صفه واااااااااحده وهى(الحنيه)او الزوج الحنون.
ان الرسول صلى الله عليه وسلم عندما زوج سيدنا عثمان لابنته السيده رقيه كان بسبب رقته ومعاملته الحسنه .وسيدنا عثمان لم يتخلف عن غزوة قط الا غزوة وحيده وهى غزوه تبوك وكان ذلك بسبب حبه ورفقه بزوجته السيده رقيه ففضل البقاء معها بسبب مرضها على ان يذهب للجهاد.ولان الاسلام يقدر الموده بين الازواج لم يغضب الرسول من عدم مشاركه عثمان بالغزوة....بل زوجه من ابنته السيده ام كلثوم بعد وفاه السيده رقيه.
فاين الموده والرحمه بيننا... ان الله سمى نفسه بالرحمن الرحيم .
فكيف نكون عبادا لله ونحن لا نطبق الرحمه والموده حتى مع اقرب الناس علينا.
واخيرا.....قال رسول الله صلى الله عليه وسلم(تركت فيكم ما ان تمسكتم به لن تضلوا بعدى ابدا كتاب الله وسنتى)
تعالوا نطبق معاملات الرسول صلى الله عليه وسلم والصحابه ونرجع الحب والموده بينا من تانى هنلاقى كل شيء اتغير للاحسن وهنبطل نشتكى من بعض.
وفقنا الله واياكم الى ما يحبه ويرضاه.