![Like a Star @ heaven](https://2img.net/i/fa/i/smiles/star3.png)
هحكيلكم على موقف حصل مع واحده صحبيتى جدا وكان قدام عنيه
من كام سنه واللى فكرنى بيه هى:اسمعوا الموضوع منها:
أنا سلسبيل عمرى 24 سنه:
الكلام ده من خمس سنين بس لسه فاكراه
مره كنت تعبانه وروحت المستشفى وبعد الدكتور ماعمل شويه فحوصات
سألنى انتى بتخدى أدويه السيولة ؟(لانى عملت جراحه قلب مفتوح من 8 سنين )(وغيرت صمام).
قلت له آه باخدها
قالى متأكده
قلت لسه واخده من6 ساعات
قالى كمان
المهم
حلفت له مش مصدق
وقلت له أنا ماشية على التعليمات
راح قايلى انتى عارفه ان كده صمام القلب ممكن تجيله جلطه وتموتى ومحدش يلحقك ..... فسكت مارديتش
ووريته كارت المتابعه بتاع الحالة .. اللى ثابت فيه انتظامى فى تناول الأدوية ...
استغرب واتكسف ..
لقيت نفسى بقوله :
انته ضامن تروح بيتك ؟؟
قالى لاء
قلت له خلاص وأنا كمان لو ربنا رايد انى أموت بالسبب اللى انت قلته ده ..
محدش هيلحقنى ...
سكت ومااتكلمش معايا تانى ...
وبعدها خرج من الحجرة ..
ورجع بعد شوية ..
قالى أنا آسف ...
أنا اتكلمت بالشكل ده لأنى فكرتك بتهملى فى الأدوية ...
عشان كده قلت الكلام ده ...
بس ....
وعلى كده من ساعتها ... كل مايشوفنى ... يعاملنى بقمة الاحترام ... والأدب ... لحااااااااااااااااااااااااااااااااااد مامات الله يرحمه ...... سبحان الله ( وماتدرى نفس ماذا تكسب غدا وماتدرى نفس بأى أرض تموت ) .
ياريت كلنا نستفيد من الحكايه اللى حكيتها سلسبيل.
ونحمد ربنا على نعمه الصحه
ونشكر فضله علينا ونتأكد أنه مفيش أعظم من قدره الله سبحانه وتعالى.
وكم من صحيح مات بغير علة ... وكم من عليل عاش حينا من الدهر
سبحان من جعل بيده الاقدار وتعالى من جعل بين يديه الاعمار.
اللهم اكتب لنا النجاه من كل عله وقدر لنا الخير حيث كان.